کشمیری رکن پارلیمان سے موجودہ صورتحال پر خصوصی گفتگو

کشمیری رکن پارلیمان نذیر احمد لاوے نے بتایا کہ جموں و کشمیر سے ان کا رابطہ گزشتہ کئی دنوں سے ٹوٹ گیا ہے، وہ اپنی بیٹی تک سے بات نہیں کر پا رہے ہیں۔

پی ڈی پی کے رکن پارلیمان نذیر احمد لاوے نے ای ٹی وی بھارت سے خصوصی گفتگو کرتے ہوئے اپنے احساسات شیئر کئے۔

انہوں نے بتایا کی آرٹیکل 370 کی منسوخی کے اعلان کے دن پارلیمنٹ میں انہوں نے کیا محسوس کیا؟

پی ڈی پی کے رکن پارلیمان نے لوک سبھا میں حکمران جماعت کی 300 پلس اکثریت کو 3 ناٹ 3 گن سے تشبیہ دیتے ہوئے کہا کہ اس دن حکومت نے اپنی اکثریت سے ہم پر حملہ کر دیا، ہم پریشان ہوگئے۔

نذیر احمد لاوے نے بتایا کہ جموں و کشمیر سے ان کا رابطہ گزشتہ کئی دنوں سے نہیں ہے، وہ اپنی بیٹی تک سے بات نہیں کر پا رہے ہیں ۔

انہوں نے کہا کہ "ایسا لگا جیسے پارلیمنٹ میں 3 ناٹ 3 گن سے حملہ ہو گیا ہو"

انہوں نے مزید کہا کہ "ہم پریشان ہوگئے، 5 اگست کا دن میں مرتے دم تک بھول نہیں پاؤنگا"

اب ان کی پارٹی کیا اسٹریٹجی اپنائے گی؟ کے سوال پر نذیر احمد لاوے نے بتایا کہ پہلے وہ کشمیر پہنچ کر اپنے لوگوں کو بتائیں گے ان کے ساتھ کیا ہوا، اس کے بعد عوام سے مشورہ کرنے کے بعد ہی ان کی پارٹی اگلا قدم اٹھائے گی۔