جماعت اسلامی ہند کے نائب امیر محمد جعفر نے ای ٹی وی بھارت سے خصوصی گفتگو کے دوران کہا کہ انصاف اور امن دونوں ہمارے لیے اہم ہیں۔
سمجھوتہ کی حد کہاں تک ہو سکتی ہے؟ اس سوال کے جواب میں جماعت کے سینیئر رہنما نے کہا کہ معاملہ ایسی زمین کا ہے جس کے ہم مالک نہیں تاہم مسجد کی زمین چھوڑ کر دیگر اراضی پر سمجھوتہ ہو سکتا ہے۔
نائب امیر جعفر نے مزید کہا کہ ملک میں امن و امان کی بحالی کے لیے جماعت پابند عہد ہے، مسلم فریق نے عدالت میں طاقتور انداز میں اپنے دلائل پیش کئے ہیں اور قوی امکان ہے کہ فیصلہ مسلم فریق کے حق میں آئے گا۔
جب ای ٹی وی بھارت کے نمائندے نے امیر جعفر سے متعدد سوالات کیے مثلاً ۔وہ مسجد اور امن کے درمیان کس چیز کو منتخب کریں گے؟ فیصلہ اگر مسلم فریق کے حق میں نہیں آیا تو مسلمانوں کا کیا رد عمل ہوگا؟ جماعت اسلامی ہند فیصلہ سے قبل کس طرح کی تیاریاں کر رہی ہے؟ وغیرہ
ان اہم سوالات کے جواب میں جماعت کے نائب امیر محمد جعفر نے کیا کہا یہ بات ویڈیو میں دیکھیے۔
