نئی دہلی: بھارتیہ جنتا پارٹی (بی جے پی) کی سینئر لیڈر اور وزیر خزانہ نرملا سیتا رمن نے جمعرات کو راجیہ سبھا میں صدر دروپدی مرمو کو 'راشٹر پتنی' کہنے کا معاملہ اٹھایا اور کانگریس صدر سونیا گاندھی سے معافی مانگنے کا مطالبہ کیا۔ Sonia should apologise to President for Congress leader's remark
ایوان کی کارروائی شروع ہونے کے بعد یہ معاملہ اٹھاتے ہوئے سیتا رمن نے کہا کہ لوک سبھا کے کانگریس لیڈر ادھیر رنجن چودھری نے مسز مرمو کو 'راشٹر پتنی' کہا ہے۔ انہوں نے کہا کہ کانگریس لیڈر نے جان بوجھ کر مسز مرمو کی توہین کی ہے۔ مرمو قبائلی، اور پسماندہ معاشرے کی نمائندگی کرتی ہیں۔ وہ ریاست میں وزیر، گورنر اور ایم پی رہ چکی ہیں۔ یہ ان کی جان بوجھ کر توہین کی گئی ہے۔
مزید پڑھیں:
انہوں نے کہا کہ یہ صدر کے عہدہ اور ملک کی توہین ہے۔ وزیر خزانہ نرملا سیتا رمن نے مطالبہ کیا کہ کانگریس صدر کو اس کے لیے ملک اور صدر جمہوریہ سے معافی مانگنی چاہیے۔ Nirmala Sitharaman Attacks Congress
یواین آئی۔
