دہلی پردیش کمیٹی کے صدر کے لیے کانگریس پارٹی کی موجودہ عبوری صدر سونیا گاندھی نے دہلی کانگریس پارٹی کے انچارج سے فہرست طلب کی ہے۔
ایسی امید کی جا رہی ہے کہ جلد ہی ریاستی صدر کا انتخاب عمل میں آئے گا۔
سونیا گاندھی نے انچارج سے کہا کہ وہ لوگوں کی فہرست انہیں دیں جو لمبی مدت سے کانگریس پارٹی سے جڑے ہوئے ہیں اور جنہوں نے پارٹی کو مضبوط کرنے میں اہم کردار ادا کیا ہے۔
اس فہرست میں کم سے کم 8 لوگوں کے نام طلب کئے گئے ہیں۔
ریاستی صدر کے امیدواروں میں اجئے ماکن، جئے پرکاش، راجیش لیلوٹیا، ہارون یوسف ، یوگنند شاشتری سمیت دیگر سینئر رہنماؤں کے نام بھی شامل ہیں۔
آئندہ چھہ ماہ میں دہلی میں اسمبلی انتخابات ہونے ہیں، اس انتخابات پر دہلی کانگریس کے ریاستی صدر کی ذمہ داری ڈالی گئی ہے۔
ایک ایسے شخص کو صدر بنایا جا سکتا ہے، جو آئندہ اسبملی انتخابات کی ذمہ داری بھی اُٹھائے، اس کے لیے ایک ایسے چہرے کی تلاش کی جا رہی ہے، جس نے کانگریس پارٹی میں اپنا ایک منفرد کردار ادا کیا ہو۔
خیال رہے کہ کانگریس پارٹی راہل گاندھی کے استعفیٰ کو منظور کرنے کے بعد ان کی جگہ ان کی والدہ سونیا گاندھی کو کانگریس پارٹی کا عبوری بنایا گیا تھا۔
فی الحال وہ عبوری صدر کا کام انجام دے رہی ہیں۔
سونیا گاندھی کی عمراس وقت 72 برس ہے اور وہ اس سے قبل 19 برسوں تک کانگریس کی صدر رہ چکی ہیں۔ انہوں نے سنہ 1998 میں پارٹی کی قیادت ذمہ داری لی تھی، جس کے بعد 2004ء میں غیر متوقع طور پر کانگریس پارٹی نے غیر معمولی کامیابی حاصل کی تھی۔
سنہ 2017 میں سونیا گاندھی نے اپنی خراب صحت کے سبب اپنے عہدے سے استعفیٰ دے دیا تھا، اس کے بعد کانگریس ورکنگ کمیٹی نے ان کے صاحبزادے راہل گاندھی کو کانگریس پارٹی کا قومی صدر منتخب کیا۔ سنہ 2019 میں عام انتخابات میں سکشت کے بعد راہل گاندھی نے سکشت کی ذمہ داری اپنے سر لینے کے بعد ورکنگنگ کمیٹی کو اپنا استعفیٰ دے دیا تھا۔
اب عبوری صدر بننے کے بعد سونیا گاندھی دہلی کانگریس پارٹی کے صدر کے انتخابات کے لیے کوشاں نظر آ رہی ہیں۔
