کانگریس کی صدر سونیا گاندھی حزب اختلاف کے اراکین پارلیمان کے ساتھ ملک کو درپیش مسائل اور متعدد امور پر تبادلہ خیال کے لئے ورچوئل میٹنگ میں شرکت کریں گی۔
کانگریس ذرائع نے بتایا کہ 'جن امور پر غور کیا جائے گا وہ بنیادی طور پر ایل اے سی پر جاری سرحدی تنازعہ اور کورونا کی وجہ سے پیدا ہونے والی معاشی صورتحال ہیں، جن پر تفصیلی بات چیت ہوگی'۔
راہل گاندھی نے ایک ٹویٹ میں کہا ہے کہ 'مسٹر مودی کا خیال ہے کہ دنیا ان کی طرح ہے۔ لیکن ایسا ممکن نہیں ہے'۔
کانگریس نے اس تعلق سے ایک بیان بھی جاری کیا ہے جس میں کہا گیا ہے کہ 'پارٹی اور اس کی قیادت کو خوف و ہراس میں مبتلا کرنے کی کوشش کرکے اور مودی حکومت کی طرف سے کی جانے والی بزدلانہ حرکتوں اور غلط بیانیوں سے نہیں ڈرایا جاسکتا ہے'۔
