Shahi Imam Admitted in Hospital شاہی امام نمونیہ کی وجہ سے اسپتال میں داخل، طبیعت فی الحال بہتر

دہلی کی شاہ جہانی جامع مسجد کے شاہی امام مولانا سید احمد بخاری ان دنوں سخت علیل ہیں اور ایک پرائیویٹ اسپتال میں زیر علاج ہیں۔ تاہم فی الحال ان کی طبیعت پہلے کے مقابلہ بہتر ہے۔

نئی دہلی: قومی دارالحکومت دہلی کی شاہجہانی جامع مسجد کے امام مولانا سید احمد بخاری سخت علیل ہیں اور ایک پرائیویٹ اسپتال میں ان کا علاج جاری ہے۔ اس پورے معاملے میں ای ٹی وی بھارت کے نمائندے نے شاہی امام سید احمد بخاری کے میڈیا انچارج سے بات کی جس میں انہوں نے اس بات کی تصدیق کی ہے کہ شاہی امام اسپتال میں داخل ہیں اور اب ان کی طبیعت پہلے کے مقابلے بہتر ہے۔ انہوں نے بتایا کہ ایک ہفتہ قبل نزلہ اور فلو کی علامات کے بعد انہیں اسپتال میں داخل کرایا گیا تھا جہاں ان میں نمونیہ بیماری کے اثرات نمایاں ہوئے تھے۔ اس کے بعد سے ہی ان کا علاج جاری ہے اور اب ان کی صحت میں کافی زیادہ بہتری آ چکی ہے لیکن ابھی بھی انہیں اسپتال میں ہی زیر نگرانی رکھا گیا ہے۔
یہ بھی پڑھیں: