اترپردیش حکومت کووڈ 19 کے بڑھتے انفیکشن اور اس کی وجہ سے خراب ہونے والی صورتحال کو روکنے اور شہریوں کو کورونا وائرس کے انفیکشن سے تحفظ فراہم کرنے کے لیےاتر پردیش حکومت میں وزیر پارلیمانی امور اور میڈیکل ایجوکیشن ڈپارٹمنٹ سریش کمار کھنہ نے ضلع کے جیمز ہسپتال اور انٹیگریٹیڈ کنٹرول روم کا معائنہ کیا اور خصوصی ہدایات دی۔
وزیر سریش کمار اس ضلعی دورے پر پہلے جیمس ہسپتال پہنچے جہاں انہوں نے فون کے ذریعے مریضوں سے بات کر کے انہیں فراہم کی جانے والی سہولیات کے بارے میں معلومات حاصل کی۔
اس دوران چیف ڈیولپمنٹ آفیسر انل کمار سنگھ، ایڈیشنل ڈسٹرکٹ مجسٹریٹ فائنانس اینڈ ریونیو وندیتا شریواستو، چیف میڈیکل آفیسر ڈاکٹر دیپک اوہری اور دیگر متعلقہ عہدیدار موجود تھے۔
اس موقع پر انہوں نے کہا کہ کورونا انفیکشن کی روک تھام کے لیے بیدار پروگرام کا کردار کافی اہم ہے اس لیے تمام افسران، رضاکار تنظیموں اور مقامی شہریوں کو اس پر خصوصی توجہ مربوط کرتے ہوئے بڑے پیمانے پر آگاہی پروگراموں کا اہتمام کریں۔
ریاستی وزیر نے کہا کہ 'بیداری پروگرام میں ضلع کے عوامی نمائندوں کا تعاون بھی حاصل کیا جانا چاہیے۔ نیز یہ بھی کہا کہ کورونا مریضوں کو کنٹرول روم کے ذریعے فوری طور پر علاج ممکن بنانے کے لیے انہیں ایسے ہسپتالوں میں بھیجیں جہاں پہلے ہی بستروں کا انتظام ہو۔
