حجاب کی اہمیت اور افادیت پر سیمینار

دہلی کے لال کنواں علاقے میں واقع فاطمہ اکیڈمی کے زیر اہتمام 'اسلام میں حجاب کی اہمیت' پر ایک تقریب منعقد کی گئی، جس میں حجاب سے متعلق کئی باتوں پر روشنی ڈالی گئی۔

ملک کی دارالحکومت دہلی کے لال کنواں علاقے میں واقع فاطمہ اکیڈمی کے زیر اہتمام 'اسلام میں حجاب کی اہمیت' پر ایک تقریب منعقد کی گئی جس میں بزرگ خواتین سے لے کر اسکول کالجوں میں تعلیم کے زیور سے آراستہ ہونے والی سینکڑوں لڑکیوں نے شرکت کی۔

فاطمہ اکیڈمی کے زیر اہتمام 'حجاب' کے موضوع پر منعقدہ اس سیمینار میں شرکاء نے اس کی اہمیت پر روشنی ڈالتے ہوئے اپنے خیالات کا اظہار کیا اس دوران لڑکیوں نے بھی نعت پر مبنی پرفارمنس دی۔

سیمینار کے موقع پر سلائی، مہندی اور آرٹ اینڈ کرافٹ کے طلبہ نے اسٹالز لگا کر اپنے ہنر کا مظاہرہ کیا، اس موقع پر طالبات نے مختلف انداز میں حجاب کی نمائش بھی کی۔سیمینار کے دوران خواتین کا کہنا تھا کہ نئے معاشرے نے حجاب کی اصل پہچان کو کھو دیا ہے جو صرف جہالت کو بڑھاوا دیتا ہے اس لیے ہمیں قرآن وحدیث کو سمجھ کر حجاب کے مقصد کو پہچاننا چاہئے۔ آج متعدد ایسی مثالیں موجود ہیں جس میں ایک باحجاب خاتون دین اور دنیا کو ایک ساتھ لیکر چل رہی ہیں۔

حجاب کی اہمیت اور افادیت پر سیمینار منعقد

وہیں دنیا میں ایسا بھی دیکھنے کو مل ہے کہ جدیدیت کے لیے ہمارے درمیان عریانی وفحاشی اور بے حیائی کا رجحان بڑھا ہے، یہاں ہر ناجائز چیز کو جائز ثابت کرنے کی کوشش کی جا رہی ہے۔

اس سیمینار میں شرکت کرنے والی مختلف خواتین سے ای ٹی وی بھارت کے نمائندے نے بات کی جس میں انہوں نے مذہبی اور دنیاوی تمام وجوہات پر اپنی رائے رکھی۔