مہاتما گاندھی پر لکھی گئی کتاب کا اجرا

ایسے وقت میں جب بابائے قوم مہاتما گاندھی کی کھلے عام تذلیل کی جارہی ہے اور ان کے قاتل کو ہیرو بناکر پیش کرنے کی سعی ہو رہی اور نفرت انگیز واقعات میں روز افزوں اضافہ ہوتا جارہا ہے اس کے باوجود ملک میں ایک طبقہ ایسا بھی ہے جو مہاتما کی زندگی بچانے والوں سے عوام کو واقف کروانے میں مصروف ہے۔

آج حیدرآباد میں مہاتما گاندھی کے کھانے میں زہر ملا کر انہیں اس بات سے واقف کرواتے ہوئے ان کی جان بچانے والے بطخ میاں انصاری پر سیعد نصیر احمد کی لکھی گئی کتاب بطخ میاں انصاری کی رسم اجرا عمل میں آئی۔

ایڈورٹائز فلم میکر سیعد اکرام الدین نے اس کتاب کی رسم اجراء انجام دیتے ہوئے نصیر احمد کے اس اقدام کی ستائش کی اور نئی نسل کو مہاتما کی جان بچانے والے شخص سے واقف کروانے کو لازمی قرار دیا۔

آندھرا پردیش سے تعلق رکھنے والے سیعد نصیر احمد نے بطخ میاں انصاری کے متعلق معلومات فراہم کرتے ہوئے بتایا کہ 'بہار کے موتی ہار سے تعلق رکھنے والے بطخ میاں انصاری کے انگریز مالک نے گاندھی اور ان کے ساتھیوں کو کھانے میں زہر دے کر جان سے مارنے کی سازش رچی جبکہ بطخ میاں انصاری نے گاندھی جی کو زہر کی اطلاع دے کر اس سازش کو بے نقاب کر دیا'۔

نصیر احمد نے مزید کہا کہ ' یہ کتاب انگریزی اردو اور تلگو زبان میں شائع کی گئی اور عوام کیلئے مفت دستیاب ہے'۔