طالبان کے ترجمان سہیل شاہین نے کہا کہ بگرام جیل سے افغان طالبان کے قیدیوں کی رہائی 31 مارچ سے شروع ہوگی۔
ترجمان نے کہا کہ یہ فیصلہ امریکہ، قطر، افغان حکومت، ہلال احمر اور طالبان کی ویڈیو کانفرنس میں کیا گیا ہے۔
انہوں نے یہ بھی کہا کہ یہ رہائی امریکی حکام کو فراہم کردہ 5 ہزار طالبان قیدیوں کی فہرست کے مطابق ہوگی۔
طالبان قیدیوں کی رہائی 31 مارچ سے شروع ہوگی۔ ویڈیو
واضح رہے کہ 29 فروری کے دوحہ امن معاہدہ کے تحت افغان حکومت کو 5 ہزار طالبان قیدیوں کو رہا کرنا ہے ، ان 5 ہزار قیدیوں کی رہائی کے بدلے طالبان ایک ہزار قیدی رہا کریں گے۔
قیدیوں کی رہائی کے بعد افغان حکومت اور طالبان کے مذاکرات کا آغاز ہو گا۔
