ملک کے پہلے وزیر اعظم کی سالگرہ 14 نومبر کو ملک بھر میں ’یوم اطفال‘کے طور پر منایا جاتا ہے۔ سابق صدر پرنب موكھرجي، سابق نائب صدر حامد انصاری، سابق وزیر اعظم منموہن سنگھ اور کانگریس لیڈر راہل گاندھی سمیت ملک کے کئی سینئر لیڈروں نے پنڈت نہرو کو خراج عقیدت پیش کیا۔
كووند نے ٹویٹ کر کے اپنےپیغام میں کہا’’ملک کے پہلے وزیر اعظم جواہر لال نہرو کو ان کی 130 ویں جینتی پر خراج عقیدت پیش کرتا ہوں۔ راشٹر پتی بھون میں آج بچوں سے ملکر بہت پرجوش ہوں‘‘۔
نائیڈو نے پنڈت نہرو کو گلہائے عقیدت پیش کرتے ہوئے کہا’’ملک کے پہلے وزیر اعظم جواہر لال نہرو کو ان کی جینتی پر خراج تحسین۔ تمام پیارے بچوں کو ’یوم اطفال‘ کی دلی مبارک باد۔ آج ہم یہ وعدہ کریں کہ تمام بچوں کو اچھی تعلیم ملے اور وہ ایک مثبت ماحول میں اپنی زندگی بسر کر سکیں‘‘۔
مسٹر مودی نے ٹویٹ کر کے پنڈت نہرو کو خراج تحسین پیش کی۔ انہوں نے اپنے پیغام میں کہا’’ہمارے سابق وزیر اعظم پنڈت جواہر لال نہرو کو ان کی جینتی پر خراج تحسین‘‘۔
مسز گاندھی، ڈاکٹر سنگھ، راہل گاندھی، ڈاکٹر انصاری کے ساتھ ہی کانگریس کے کئی ارکان پارلیمنٹ اور سینئر لیڈروں نے یہاں پنڈت نہرو کی سمادھی شانتی ون جا کر ان کی سمادھی پر گل پوشی کی۔
اس دوران ایک سرودھرم سبھا کا بھی انعقاد کیا گیا جس میں بڑی تعداد میں کانگریس کارکنوں نے حصہ لیا۔
