قومی دارالحکومت دہلی سے متصل نوئیڈا میں مہانگر کانگریس کمیٹی ہیلپ ڈیسک کی جانب سے آج ضرورت مند لوگوں کے درمیان راشن اور دیگر اشیاء ضروریہ تقسیم کی گئی۔
اترپردیس کانگریس کی انچارج پرینکا گاندھی اور اترپردیس کانگریس صدر اجے کمار للو کی ہدایت پر کانگریس کمیٹی نے لوگوں کی مدد کے لئے نوئیڈا میں ہیلپ ڈیسک قائم کر رکھا ہے۔
جس کے تحت کورونا کے اس وبائی دور میں ضروری اشیاء تقسیم کی جا رہی ہیں۔
نوئیڈا نارتھ بلاک کے کانگریس صدر محمد اشرف نے بتایا کہ لاک ڈاؤن اور کورونا کے باعث لوگوں کے روزگار چھین گئے ہیں۔ لوگ پریشان ہیں۔ ایسے میں کانگریس ہیلپ ڈیسک کے تحت لوگوں کی مدد کر رہے ہیں۔ اس تناظر میں آج سیکٹر 9 میں اشیاء تقسیم کی گئی۔
اشرف کے مطابق کورونا وائرس سے بچنے کے لیے یہاں لاک ڈاؤن نافذ ہے، جس وجہ سے یہاں کے مزدور اور یومیہ بنیادوں پر روزگار کرنے والے افراد مشکلات کا شکار ہیں۔ ان کے لیے روزمرہ کی ضرورت کی اشیاء حاصل کرنا مشکل ہو گیا ہے۔
انہوں نے کہا کہ کورونا بحران کے دوران مزدوروں اور یومیہ اجرت کی بنیاد پر روزگار کرنے والے لاکھوں افراد متاثر ہوئے ہیں اور ان کے گھروں میں اب فاقے ہونا شروع ہوگئے ہیں۔ اس مشکل گھڑی میں ایسے لوگوں کی مدد کر کے راحت اور سکون ملتا ہے۔
