قومی دارالحکومت دہلی سے متصل نوئیڈا میں ڈینگی کے مریضوں کی تعداد میں تیزی سے اضافہ ہو رہا ہے۔ آج ڈینگی کے 12 نئے مریضوں کی تصدیق ہوئی ہے۔
اس کے ساتھ ہی گوتم بدھ نگر میں ڈینگی کے مریضوں کی تعداد بڑھ کر 287 ہوگئی ہے۔ وہیں ڈینگو کی معلومات چھپانے والے نجی ہسپتالوں کو محکمہ صحت کی جانب سے نوٹس جاری کرنے کی تیاری کی جا رہی ہے۔
محکمہ صحت کے مطابق ابھی 31 مریض ہسپتالوں میں زیر علاج ہیں۔ اکتوبر میں ڈینگی کے مریضوں کی تعداد میں بہت تیزی سے اضافہ ہوا ہے۔
ڈسٹرکٹ ہسپتال میں ڈینگی کے مشتبہ مریضوں کی بھیڑ ہے۔ مریضوں کو ایمرجنسی میں بھی داخل کیا جا رہا ہے۔ دوسری طرف آئی ایس آئی ہسپتال میں بستر بھرے ہوئے ہیں۔ پرائیویٹ ہسپتال میں بھی بستر کو لے کر دقتیں ہیں۔
یہ بھی پڑھیں: نوئیڈا: ضلع میں ڈینگی بخار سے حالات خراب
ہسپتال انتظامیہ کے مطابق ضرورت پڑنے پر مریضوں کو ایمرجنسی میں داخل کیا جائے گا، تاہم مریضوں کے ڈسچارج ہونے پر ہی وارڈ میں منتقل کیا جا سکتا ہے۔
