دہلی: پارلیمنٹ کے بجٹ سیشن کے پہلے مرحلے کے اختتام پر آج راجیہ سبھا کی کارروائی آٹھ مارچ تک ملتوی کر دی گئی۔
وزیر خزانہ نرملا سیتا رمن کی جانب سے جمعہ کے روز راجیہ سبھا میں مالی سال 2021-22 کے بجٹ پر بحث کا جواب دیے جانے کے بعد چیئرمین وینکیا نائیڈو نے ایوان کی کارروائی آٹھ مارچ تک ملتوی کر دی۔
بجٹ سیشن کا پہلا مرحلہ 29 جنوری کو صدر کے دونوں ایوانوں میں تقریر کے ساتھ شروع ہوا تھا۔ دوسرا مرحلہ آٹھ مارچ سے آٹھ اپریل تک جاری رہے گا۔
مزید پڑھیں:
چین مسئلہ پر وزیر دفاع نے ملک کو گمراہ کیا: کانگریس
نائیڈو نے کہا کہ 'اس دوران 11 نشستیں ہوئیں اور صدر کی تقریر پر بحث کے ساتھ ساتھ عام بجٹ پر بھی بحث ہوئی۔ ایوان نے اس دوران تین اہم بل بھی پاس کیے۔
راجیہ سبھا میں اپوزیشن کے لیڈر غلام نبی آزاد سمیت چار اراکین کو ان کی مدت کار مکمل ہونے پر الوداعیہ بھی دی گئی۔
