شاہ، پرساد اور کنی موزی کی راجیہ سبھا کی رکنیت ختم

بھارتیہ جنتا پارٹی کے صدر امت شاہ، مرکزی وزیر روی شنکر پرساد اور ڈی ایم کے کی رہنما کنی موزی نے لوک سبھا انتخابات میں جیت درج کی ہے جس کے بعد ان رہنماؤں کا راجیہ سبھا کی رکنیت ختم کردی گئی ہے۔

راجیہ سبھا سکریٹریٹ نے ایک سرکلر جاری کیا ہے اور یہ اطلاع دی ہے کہ 23 مئی سے ان کی راجیہ سبھا (ایوان بالا) کی رکنیت ختم ہوتی ہے۔

لوک سبھا انتخابات 2019 میں امت شاہ نے گاندھی نگر، بی جے پی کے رہنما روی شنکر پرساد نے پٹنہ صاحب اور کنی موزی نے تھو تھو کڑی حلقے سے کامیابی حاصل کی ہے۔