'وزیراعظم حراستی کیمپ کے تعلق سے جھوٹ بول رہے ہیں'

کانگریس رہنما راہل گاندھی نے آسام کے ماتیا ڈٹینشن سینٹر کا ویڈیو ٹویٹ کیا ہے۔ راہل گاندھی نے وزیر اعظم نریندر مودی پر الزام لگایا ہے کہ وہ ڈیٹینشن سینٹر کے تعلق سے جھوٹ بول رہے ہیں۔ راہل گاندھی نے کہا کہ 'آر ایس ایس کے پی ایم بھارت ماتا سے جھوٹ بول رہے ہیں'۔

وزیر اعظم نریندر مودی نے حال میں دہلی کی ریلی میں شہریت ترمیمی ایکٹ اور این آر سی کے تعلق سے کانگریس اور دیگر پارٹیوں کے ذریعہ افواہ پھیلائے جانے کا الزام لگایا تھا۔ وزیر اعظم نریندر مودی نے الزام لگایا کہ کانگریس اور دیگر پارٹیاں افواہ پھیلا رہی ہیں کہ مسلمانوں کو ڈیٹیشنس سینٹر بھیجا جائے گا۔
راہل گاندھی نے وزیر اعظم نریندر مودی کے ڈیٹینشن سینٹر کی تعمیر پر جھوٹ بولنے کا الزام لگایا ہے۔

ڈیٹینشن سینٹر کے تعلق سے پی ایم جھوٹ بول رہے ہیں: راہل گاندھی

وزیر اعظم نریندر مودی نے دہلی کی ریلی میں تقریر کے دوران کہا تھا کہ ان کی پارٹی نے این آر سی پر کوئی بات نہیں کی ہے اور کانگریس اور دوسری پارٹیوں پر الزام لگایا تھا کہ وہ افواہ پھیلا رہے ہیں کہ مسلمانوں کو ڈیٹینشن سینٹر میں بھیجا جائے گا۔ بتایا جا رہا ہے کہ آسام کے ماتیا میں ڈیٹینشن سینٹر کی تعمیر کی جارہی ہے جس میں 46 کروڑ سے زائد رقم خرچ ہورہے ہیں اور اس میں 3000 لوگ رہ پائیں گے۔ یہ ڈیٹینشن سینٹر 15 منزلہ ہوگی جس میں 13 منزلیں مردوں کے لیے اور 2 منزلیں خواتین کے لیے ہوں گی۔ یہ بھی بتایا جا رہا ہے کہ 2018 میں وزارت داخلہ نے 46.41 کروڑ روپیے کمپاؤنڈ کے تعمیر کے لیے سینکشن کئے تھے۔ یہ ڈیٹینشن سینٹر گوہاٹی سے 129 کلو میٹر کی دوری پر ہے۔