نئی دہلی: کانگریس کے سابق صدر راہل گاندھی اور اتر پردیش کی جنرل سکریٹری انچارج پرینکا گاندھی وڈرا نے 24 سال کی عمر میں اپنی جان قربان کرنے والے بھگوان برسا منڈا کی یوم پیدائش پر قبائلیوں کو خراج عقیدت پیش کیا۔
راہل گاندھی نے کہا کہ ’’بھگوان برسا منڈا کی یوم پیدائش پر سماجی مساوات کے عظیم قبائلی لیڈر کو سلام۔ ایسے عظیم بہادر جنگجوؤں کی قربانی سے ہم نے آزادی حاصل کی - اس آزادی کا احترام کرنا ہر سچے ہندوستانی کا فرض ہے۔ جے ہند۔"
یہ بھی پڑھیں : بی جے پی صحافت کے قتل میں مصروف ہے: راہل گاندھی
محترمہ گاندھی وڈرا نے ٹویٹ کے ذریعہ کہاکہ ''پانی پر حق قبائلیوں کا ہے، جنگل قبائلیوں کا ہے، زمین پر دعویٰ قبائلیوں کا ہے۔ قبائلی حقوق کی مضبوط آواز اور انگریزوں کے خلاف قبائلی انقلاب کا آغاز کرنے والے دھرتی پتر بھگوان برسا منڈا کو ان کی یوم پیدائش پر دلی خراج عقیدت۔‘‘
