راہل نے زرعی قانون کو لے کرحکومت کو پھر ہدف تنقید بنایا

کانگریس کے سابق صدر راہل گاندھی نے زرعی قانون کے سلسلے میں مودی حکومت کو پھر ہدف تنقید بناتے ہوئے کہا ہے کہ یہ قانون لاکر کسانوں کے لئے موت کا فرمان جاری کیا گیا ہے۔

راہل گاندھی نے پیر کو ٹویٹ کیا کہ ’’زراعت سے متعلق قانون ہمارے کسانوں کے لئے موت کا فرمان ہے۔ ان کی آواز پارلیمنٹ اور پارلیمنٹ کے باہر دونوں جگہ دبائی گئی۔ یہ ثبوت ہے کہ بھارت میں جمہوریت ختم ہوگئی ہے۔‘‘

راہل گاندھی کا ٹویٹ

اس کے ساتھ ہی انہوں نے اخبار میں شائع ایک خبر بھی پوسٹ کی ہے جس میں کہا گیا ہے کہ راجیہ سبھا کے ڈپٹی چیئرمین کہتے ہیں کہ بل کو پاس کرتے وقت جب ووٹ اسپلیٹ کا مطالبہ کیا گیا تو اپوزیشن اپنی سیٹوں پر نہیں تھے لیکن راجیہ سبھا ٹی وی کی تصویریں کچھ اوردکھارہی ہیں۔‘‘