لاک ڈاؤن کے دوسرے مرحلے میں پولیس مسیحا بن کر لوگوں کی مدد کر رہی ہے۔ لاک ڈاؤن کے دوران پولیس مجبور لوگوں کو کھانا بھی کھلا رہی ہے۔ وہیں تازہ معاملہ دہلی کے رگھوویر نگر کا ہے، جہاں ہولیس نے ایک حاملہ خاتون کی مدد کی ہے۔
دراصل قومی دارالحکومت کے مغربی دہلی کے علاقے رگھوویر نگر میں ایک خاتون اپنے اہل خانہ کے ساتھ پولیس چوکی میں خاتون کانسٹیبل سمن کو بتاتی ہیں کہ' وہ حاملہ ہے اور لیبر پین ہو رہا ہے، اسپتال جانے کے لئے اسے گاڑی کی ضرورت ہے۔ '
جس کے بعد کانسٹیبل سمن نے فورا ہی معاملے کی سنگینی کو سمجھتے ہوئے معاملے کی جانکاری ایس ایچ او کمار کندن اور ایس آئی پنکج ٹھاکر کو دی۔
ایس ایچ او کمار کندن کی ہدایت پر فوری پولیس جپسی کا بندوبست کیا گیا۔ جس میں خاتون سمیت اس کے اہل خانہ والوں کو بیٹھا کر ہیڈ کانسٹیبل دھرم ویر اور کانسٹیبل کلدیپ انہیں نرسنگ ہوم لے جانے لگے۔لیکن نرسنگ ہوم تک پہنچنے سے پہلے ہی حاملہ خاتون نے پولیس جپسی کے اندر ہی بچے کو جنم دے دیا۔
پولیس نے فوری طور پر اسپتال کے عملے کو اس بارے میں آگاہ کیا۔ جس کے بعد اسپتال کا عملہ فوری طور پر موقع پر پہنچا اور خاتون اور بچے کو طبی امداد کے لئے اسپتال لے گیا۔
