میڈیا سے گفتگو کرتے ہوئے سٹی صدر شہاب الدین نے کہا کہ بی جے پی حکومت نے زرعی قوانین کو واپس لینے کے بجائے کسانوں کی توہین اور استحصال کیا لیکن آج پنجاب کے کسانوں نے بی جے پی کو اس کا بھرپور جواب دے دیا ہے۔ بی جے پی کو آنے والے وقت میں دیگر ریاستوں کے کسانوں کا بھی جواب ملنے والا ہے۔
واضح رہے کہ کانگریس نے پنجاب میونسپل کارپوریشن کے انتخابات میں زبردست جیت درج کی۔ نتائج کے درمیان سب سے بڑا جھٹکا بی جے پی کو لگا ہے یہاں تک کہ بی جے پی حکومت میں وزیر رہے تیچھڑ سود کی اہلیہ بھی انتخاب ہار گئیں۔شہاب الدین نے کہا کے نتائج سے بی جے پی سمجھ چکی ہوگی کہ اس کے برے دن کا آغاز ہو چکا ہے۔
اب اسے تکبر غرور اور گھمنڈ سے باز آ جانا چاہیے۔
اس موقع پر مہانگر کانگریس کمیٹی نوئیڈا کے صدر شہاب الدین ، میٹرو پولیٹن کے نائب صدر للت آوانا ، جنرل سکریٹری رضوان چوہدری ، بلاک صدر جاوید خان ، ریاستی جنرل سکریٹری اقلیتی لیاقت چودھری ، اتر پردیش کانگریس کمیٹی کے ممبر ستیندر شرما ، اکھلیش ، پرویز ، رام لال شرما راجیش ، وکرم سمیت بہت سے کارکنان موجود تھے۔