وزیر اعظم نریندر مودی آج ویڈیو کانفرنس کے ذریعہ سابق مرکزی وزیر بالاصاحب ویکھے پاٹل کی خود نوشت سوانح کا اجرا کریں گے گے اور 'پرور رورل ایجوکیشن سوسائٹی' کا نام تبدیل کرکے 'لوکاناٹی ڈاکٹر بالاصاحب ویکھے پاٹل پرور رورل ایجوکیشن سوسائٹی' رکھیں گے۔
پی ایم او نے کہا کہ پاٹل کی خود نوشت سوانح عمری کا عنوان 'دیہہ ویچوا کرنی' (اپنی زندگی کو کسی نیک کام کے لئے وقف کرنا) ہے اور یہ ایک مناسب عنوان ہے کیونکہ انہوں نے اپنی پوری زندگی زراعت اور کوآپریٹوز سمیت مختلف شعبوں میں اپنے منفرد کام میں صرف کی ہے۔ معاشرے کے مفاد کے لئے سرشار تھے۔
اس کے علاوہ خود پی ایم مودی نے ٹویٹ کرکے اس کے بارے میں بتایا کہ وہ آج پاٹل کی خودنوشت سوانح عمری کا اجرا کریں گے۔
واضح رہے کہ پاٹل کئی بار لوک سبھا کے رکن رہ چکے ہیں اور 84 سال کی عمر میں 2016 میں انتقال کر گئے تھے۔
'پرور رورل ایجوکیشن سوسائٹی' کا قیام 1966 میں احمد نگر ضلع کے لونی میں ہوا تھا۔ اس کا مقصد دیہی عوام کو عالمی معیار کی تعلیم فراہم کرنا اور لڑکیوں کو بااختیار بنانا تھا۔
یہ ادارہ طلبا کی تعلیمی، معاشرتی، ثقافتی، جسمانی اور نفسیاتی ترقی کے بنیادی مشن کے ساتھ کام کر رہا ہے۔
