نئی دہلی: وزیر اعظم نریندر مودی نے پیر کو کہا کہ 'راجیہ سبھا کے چیئرمین وینکیا نائیڈو کی فرض کے تئیں ایمانداری، لگن، محنت اور کام کے تئیں لگن ملک، سماج اور خاص طور پر نوجوانوں کے لیے باعث ترغیب ہے اور ان کا تجربے سے ملک کو آگے بھی فوائد حاصل ہوتے رہیں گے۔ Modi bids farewell to Venkaiah Naidu
راجیہ سبھا کے چیئرمین کے طور پر نائیڈو کی میعاد بدھ کو ختم ہونے سے پہلے، پی ایم مودی نے ایوان میں ان کے اعزاز میں الوداعی تقریر کرتے ہوئے کہا 'یہ ایک بہت ہی جذباتی لمحہ ہے، ایوان میں آپ کی موجودگی سے کتنے تاریخی لمحات وابستہ ہیں۔ نائیڈو کے ماضی میں کہے گئے الفاظ کا حوالہ دیتے ہوئے وزیر اعظم نے کہا کہ اگر آپ سیاست سے ریٹائر ہو جاتے ہیں تو بھی عوامی زندگی میں آپ کے طویل تجربے کا فائدہ ملک کو ملتا رہے گا۔'
انہوں نے آزادی کے امرت کال کے 25 برس کا ذکر کرتے ہوئے کہا کہ اب ملک کی قیادت بھی نئے دور کے ہاتھ میں ہے۔ انہوں نے کہا کہ اس بار جب ملک یوم آزادی منائے گا تو صدر، نائب صدر، لوک سبھا اسپیکر اور وزیر اعظم کے عہدوں پر ایسے لوگ بیٹھے ہوں گے جو آزادی کے بعد پیدا ہوئے تھے اور یہ سب بہت ہی عام گھروں سے آئے تھے۔ انہوں نے کہا کہ اس چیز کا اپنا پیغام ہے اور یہ نئے دور کی علامت بھی ہے۔'
نائب صدر جمہوریہ کے طور پر نائیڈو کے دور کا ذکر کرتے ہوئے مودی نے کہا کہ 'انہوں نے نوجوانوں کی فلاح و بہبود اور رہنمائی میں قابل ذکر تعاون کیا ہے۔ نائیڈو کا نوجوانوں سے خاص لگاؤ ہے اور ان کی 25 فیصد تقریریں نوجوانوں اور ان کی فلاح و بہبود اور ترقی پر مرکوز رہی ہیں۔ وزیر اعظم نے کہا کہ 'نائیڈو نے مختلف کرداروں میں ملک کے تئیں پوری لگن اور محنت کے ساتھ کام کیا۔ انہوں نے کہا کہ اسی لگن اور طاقت کے بدولت نائیڈو نے جنوبی ہندوستان میں بی جے پی کی مشعل کو آگے بڑھایا اور ایک دن پارٹی کے صدر کے عہدے پر فائز ہوئے۔'
مودی نے کہا کہ 'نائیڈو نے اراکین کو ایوان میں مادری زبان میں اپنے خیالات کا اظہار کرنے کی ترغیب دی اور ان کی قیادت میں راجیہ سبھا کی پروڈکٹی وٹی صلاحیت میں 70 فیصد اضافہ ہوا اور اراکین کی حاضری میں بھی اضافہ ہوا۔ نائیڈو کو نیک خواہشات کا اظہار کرتے ہوئے، انہوں نے امید ظاہر کی کہ راجیہ سبھا ان کی میراث پر عمل جاری رکھے گی۔
نیشنلسٹ کانگریس پارٹی کے پرفل پٹیل نے کہا کہ آپ کے ساتھ کام کرنا اعزاز کی بات ہے۔ آپ نے دیہی علاقوں اور کسانوں کے لیے بہترین کام کئے ہیں۔ سماج وادی پارٹی کے رام گوپال یادو نے کہا کہ آپ کے ساتھ ذاتی تعلق رہا ہے، حالانکہ میں نے شنکر دیال شرما جی سے لے کر اب تک تمام صدور کے ساتھ کام کیا ہے۔ انہوں نے کہا کہ میں امید کرتا ہوں کہ آج سے آپ اپنی بات بے خوف اور دباؤ کے بغیر کہہ سکیں گے۔ کمیونسٹ پارٹی آف انڈیا کے ونے وسام نے کہا کہ آپ بہت مہربان ہیں اور نئے اراکین کی ضروریات سے واقف رہتے ہیں۔
یہ بھی پڑھیں: V.Prez Naidu on Anti-Terrorism Day: انسانیت ہر قسم کی دہشت گردی کو ختم کرنے کا عہد کرے: نائیڈو
بہوجن سماج پارٹی کے رام جی نے کہا کہ آپ نے گاؤں سے نائب صدر کے گھر تک کا سفر کیا ہے۔ آپ کی زندگی سب کے لیے مشعل راہ ہے۔ تیلگو دیشم پارٹی کے کناکمیڈلا رویندر کمار نے کہا کہ آپ ملک کا فخر ہیں، آپ نے ہندوستانی زبانوں کو فروغ دیا اور انہیں پارلیمنٹ میں جگہ دی۔ اس کے لیے آپ تعریف کے مستحق ہیں۔
ریپبلک پارٹی آف انڈیا (اٹھاولے) کے رام داس اٹھاولے نے کہا کہ آپ کبھی ہار نہیں مانتے ہیں، آپ کو ایک بار پھر آنا چاہیے۔ آپ کا ایوان چلانے کا انداز بڑا نرالا تھا۔ آپ نے تمام ممبران کو اپنے خیالات کا اظہار کرنے کا موقع دیا ہے۔ آسوم گن پریشد کے ویریندر پرساد ویش نے کہا کہ آخر مادری زبان کے استعمال کی حوصلہ افزائی کی گئی۔ اس کے لیے ہم آپ کے مشکور ہیں۔
یو این آئی
