پرنب مکھرجی کوما میں

دہلی کے بھارتی فوج کے ریسرچ اینڈ ریفرل اسپتال نے جمعہ کے روز ایک میڈیکل بلیٹن میں کہا کہ 'سابق صدر پرنب مکھرجی انتہائی نگہداشت والے یونٹ میں ہیں اور ان کے پھیپھڑوں میں انفیکشن اور گردوں کی خرابی کا علاج جاری ہے۔ تاہم وہ کوما اور وینٹیلیٹر پر ہیں۔'

84 سالہ رہنما کو 10 اگست کو اسپتال میں داخل کرایا گیا۔ ان کا کورونا ٹسیٹ بھی مثبت پایا گیا تھا۔

مکھرجی کے بیٹے ابھیجیت مکھرجی نے پہلے کہا تھا کہ ان کے والد کی صحت میں بہتری کے مثبت آثار نظر آ رہے ہیں۔ تاہم 19 اگست کو جب ان کے پھیپھڑوں میں انفیکشن ہوا تو اس کی حالت خراب ہوگئی۔ اب وہ وینٹیلیٹر پر ہیں۔

مکھرجی 2012 سے 2017 تک بھارت کے 13 ویں صدر تھے۔ انہیں گزشتہ اگست میں بھارت کا سب سے بڑے شہری اعزاز - بھارت رتن سے نوازا گیا تھا۔