قومی دارالحکومت دہلی میں دہلی اور این سی آر میں عالمی وبا کورونا وائرس میں اضافہ سے نوئیڈا پولیس ایک بار پھر فعال ہوگئی ہے۔
شہریوں کو کورونا پروٹوکول پر عمل درآمد کو یقینی بنانے اور کورونا وائرس کے انفیکشن سے محفوظ رکھنے کے لیے پولیس پھر سڑکوں پر اترگئی ہے اور پرہجوم مقامات پر لوگوں کو سمجھا بجھا بھی رہی ہے۔
پولیس کمشنریٹ کے تمام پولیس کمشنرز اور پولیس ٹیمز اپنے تھانہ علاقوں میں پر بھیڑ بھاڑ والے مقامات پر باقاعدگی سے گشت کررہی ہے اور عوام میں آگاہی اور بیداری پیدا کرنے کی کوشش کررہی ہے۔
واضح رہے کہ پولیس پر ہجوم اور عوامی مقامات پر ماسک پہننے اور معاشرتی فاصلے پر عمل درآمد کی ترغیب دے رہی ہے۔
