دہلی میں کورونا کا قہر مسلسل جاری ہے لیکن راحت کی بات یہ ہے کہ بہت سے لوگ کورونا کو شکست دے کر گھر لوٹ رہے ہیں۔ اسی ضمن میں امر کالونی تھانے میں تعینات سپاہی پروین کورونا کو شکست دے کر واپس آ چکے ہیں۔ اس دوران امر کالونی تھانے میں ان کا استقبال کیا گیا۔
امر کالونی تھانہ کے تحت اوکھلا سبزی منڈی میں سپاہی پروین تعینات تھے۔ یہیں سے وہ کورونا متاثر ہوئے تھے جس کے بعد ان کو اپولو ہسپتال میں بھرتی کرایا گیا تھا۔ وہاں تقریبا 14 روز علاج کے بعد وہ کورونا سے جنگ جیت کر واپس لوٹے۔
جب وہ ہسپتال سے امر کالونی لوٹے تو ایس ایچ او اننت کمار گنجن سمیت دیگر پولیس اہلکاروں نے ان کا پھول مالا سے استقبال کیا اور لوگوں کو مٹھائیاں بھی تقسیم کیں۔
آپ کو بتا دیں کہ اوکھلا سبزی منڈی میں تعینات چار پولیس اہلکار میں کورونا انفیکشن پایا گیا جس کے بعد ان کو ہسپتال میں بھرتی کرایا گیا تھا وہیں اورکھلا سبزی منڈ کو 2 روز کے لیے سیل کر سینیٹائز کیا گیا تھا۔ پھر منڈی کو شروع کیا گیا تھا۔
