قومی دارالحکومت دہلی سے متصل شہر نوئیڈا میں ریاست اترپردیش حکومت کی جانب سے آج چوری چورا صد سالہ تقریبات کا آغاز کیا گیا ہے تاہم حکومت کی جانب سے اس اہم تقریب کا جشن ایک سال تک جاری رہے گا۔
واضح رہے کہ ملک کے شہیدوں کی یاد میں حکومت کی خواہش کے مطابق اس تقریب کا اہتمام کیا جائے گا۔
آج پولیس کمشنر آلوک سنگھ نے نوئیڈا کے شہید میموریئل سائٹ سیکٹر 29 میں اس اہم تقریب میں حصہ لیا جہاں پولیس کمشنر آلوک سنگھ نے شہیدوں کی یادگار پر جا کر شہیدوں جو خراج عقیدت پیش کی اور چراغ روشن کیا۔
منظم تقریب میں پولیس بینڈ نے قومی ترانے اور آزادی سے متعلق گانے کی دھن پر تقریب پیش کرتے ہوئے ملک کے شہدا کو خراج عقیدت پیش کیا۔
اس تقریب میں پولیس کے ایڈیشنل کمشنر آلوک کمار، ڈسٹرکٹ آفیسر سوہاس ایل وائی، ڈی سی پی پولیس نوئیڈا راجیش ایس، چیف ڈیویلوپمنٹ آفیسر انیل کمار سنگھ، اے ڈی سی پی آشوتوش دویدی، دیگر پولیس افسران سمیت ضلع کے دیگر افسران اور فوج کے ریٹائرڈ سینیئر افسران نے شرکت کی۔
