کورونا وائرس سے بچاؤ کی مودی 'سپت پدی'

وزیر اعظم نریندر مودی نے لاک ڈاون کے دوسرے مرحلے میں تین مئی تک قوانین پر سختی سے عمل کرکے کورونا وائرس کو شکست دینے کے 'سپت پدی' یعنی سات باتوں پر خصوصی توجہ دینے کی ہم وطنوں سے اپیل کی ہے۔

مودی نے 21 دن کے پہلے مرحلہ کے لاک ڈاون کے آخری دن منگل کو قوم سے خطاب کرتے ہوئے کہا کہ 'ملک کے عوام اگر صبر وتحمل بنائے رکھیں گے اور قوانین پر عمل کریں گے تو کورونا وائرس جیسی وبا کو آسانی سے شکست دی جا سکتی ہے۔

انہوں نے لاک ڈاون کے دوسرے مرحلہ کا اعلان کرتے ہوئے ملک کے عوام سے کورونا وائرس سے بچاؤ کے لیے 'سپت پدی' کا فارمولہ دیا اور اس سپت پدی کے سات فارمولہ کا کورونا وائرس کو شکست دینے کے واسطے سختی پیروی کرنے کے لیے لوگو ں پر زور دیا۔

کورونا وائرس کو شکست دینے سے لیے 'سپت پدی' میں پہلا فارمولہ بتاتے ہوئے انہوں نے کہا، 'کورونا وائرس کو شکست دینے کے لیے سب لوگ سب سے پہلے اپنے گھر کے بزرگوں اور خاص طور سے ایسے افراد کا دھیان رکھیں جنہیں پرانی بیماری ہو، ان کی خصوصی دیکھ بھال کریں، انہیں کورونا وائرس سے بہت بچا کر رکھنا ہے۔