پیٹرول- ڈیزل کی قیمتوں میں کمی

پیٹرول آٹھ سے نو پیسے اور ڈیزل چار سے پانچ پیسے فی لیٹر سستا ہوا ہے۔

ملک کے چار بڑے شہروں میں تین دن بعد پیر کے روز پیٹرول اور ڈیزل کی قیمتوں میں کمی آئی ہے۔ پیٹرول آٹھ سے نو پیسے اور ڈیزل چار سے پانچ پیسے فی لیٹر سستا ہوا ہے۔

ملک کی تیل مارکیٹنگ شعبے کی معروف کمپنی انڈین آئل کے مطابق 'دہلی میں پیٹرول کی قیمت کم ہو کر 72.65 روپے اور ڈیزل 65.75 روپے فی لیٹر ہو گیا ہے۔

اقتصادی شہر ممبئی میں پیٹرول اور ڈیزل کی قیمت بالترتیب 78.33 اور 68.96 روپے فی لیٹر رہی۔

دونوں دیگر میٹرو شہروں کولکتہ اور چینئی میں پیٹرول کی قیمت بالترتیب 75.35 اور 75.50 روپے فی لیٹر رہی جبکہ ڈیزل بالترتیب 68.16 اور 69.50 روپے فی لیٹر ہو گیا ہے۔