نئی دہلی: قومی دارالحکومت دہلی کے مسلم اکثریتی علاقہ شاہین باغ میں جنوبی دہلی میونسپل کارپوریشن کی جانب سے مبینہ تجاوزات کے خلاف انہدامی کارروائی کرنے بلڈوزر پہنچا جس پر سیاسی، سماجی اور ملی شخصیات نے شدید احتجاج کیا۔ عوامی احتجاج کے بعد بلڈوزر کو بغیر کسی کاروائی کے واپس لوٹنا پڑا۔ اس موقع پر ای ٹی وی بھارت سے بات کرتے ہوئے لوگوں نے اس کارروائی کو غلط قرار دیا ہے Operation of South Delhi Municipal Corporation in Shaheen Bagh۔
وہیں کانگریس کے سینئر لیڈر عمران پرتاپ گڑھی Imran Pratapgarhi نے کہا کہ بی جے پی کی چال ہے کہ شاہین باغ کو بدنام کیا جائے۔ یہاں پر کسی طرح کا کوئی غیر قانونی قبضہ نہیں ہے اور نہ ہی کوئی تجاوزات ہے۔ ایس ڈی ایم سی کا دستہ یہاں پر آیا اور دیکھا کہ یہاں کسی طرح کا کوئی قبضہ نہیں ہے اور واپس اسے لوٹنا پڑا۔
کانگریس کے سینئر رہنما اور دہلی کے میڈیا انچارج پرویز عالم نے کہا کہ بی جے پی غریبوں کے گھروں کو اجاڑنے کی کوشش کر رہی ہے۔ انہوں نے کہا کہ اگر غیر قانونی تجاوزات کے خلاف میونسپل کارپوریشن کو کارروائی کرنی ہے تو سب سے پہلے دہلی بی جے پی صدر آدیش گپتا کے گھر کے باہر کرنا چاہیے، اس کے بعد اقبال سنگھ کے جنہوں نے غیر قانونی طور پر سرکاری زمین پر قبضہ کررکھا ہے۔
مزید پڑھیں:
- Bulldozers in Shaheen Bagh: شاہین باغ میں عوام کے زوردار احتجاج کے بعد خالی لوٹا ایم سی ڈی کا بلڈوزر
- Amanatullah Khan on Shaheen Bagh Bulldozers: شاہین باغ میں کوئی تجاوزات نہیں ہے: امانت اللہ خان
وہیں شاہین باغ کے ایک مقامی باشندہ نے کہا کہ شاہین باغ امن پسند ہیں یہاں پر کسی طرح کا کوئی غیر قانونی قبضہ نہیں ہے بی جے پی اور ایم سی ڈی کے لوگ یہاں کے لوگوں کو پریشان کررہے ہیں یہاں امن ہے اس لیے اسے یہ الجھن ہے کہ یہا امن کیوں ہے۔