کانگریس کے سابق صدر راہل گاندھی نے وزیراعظم نریندر مودی پر حملہ کرتے ہوئے کہا کہ وہ جھوٹ بولتے ہیں، اس لئے ملک کے عوام کو ان پر اعتماد نہیں ہے۔
کانگریس کے لیڈر نے کہا کہ مودی جھوٹ بولتے ہیں اور زراعت سے متعلق تینوں قوانین واپس لینے کے ان کے اعلان پر کسان کو اعتماد نہیں ہے۔ اس لئے ایک سال سے زیادہ وقت سے جاری کسان ستیہ گرہ جاری ہے۔
راہل گاندھی نے ٹویٹ کیا کہ جھوٹے جملے جھیل چکے عوام وزیراعظم کی بات پر بھروسہ کرنے کو تیار نہیں۔ کسان ستیہ گرہ جاری ہے'۔
یہ بھی پڑھیں: Farm Laws Repealed: 'مودی حکومت کو اپنی غلطی کا احساس ہو گیا'
خیال رہے کہ 19 نومبر کو وزیراعظم نریندر مودی نے ملک سے خطاب کرتے ہوئے تینوں زرعی قوانین کو واپس لینے کا اعلان کیا۔
یو این آئی
