قومی دارالحکومت دہلی کے شمال مشرقی علاقوں میں گذشتہ ماہ ہوئے فسادات کے دوران اور اس کے بعد جس طرح سے افواہوں کا بازار گرم ہوا تھا اس کے خلاف کارروائی کرتے ہوئے دہلی حکومت نے ایک کمیٹی تشکی دی ہے، جس کا نام 'پیس اینڈ ہارمنی کمیٹی' ہے۔
دہلی حکومت کے ذریعہ تشکیل دی گئی 'پیس اینڈ ہارمنی کمیٹی' نے ایک نمبر جاری کیا تھا، جس کے ذریعے آپ شکایت درج کرا سکتے ہیں۔
آج دہلی پیس اینڈ ہارمنی کمیٹی کے ذریعہ تشکیل دی گئی کمیٹی نے پریس کانفرنس کرکے بتایا کہ اب تک 7781 شکایتیں موصول ہوئی ہیں، جس میں سے 2110 شکایتوں پر نظرثانی کی گئی تھی، جبکہ 504 شکایتیں ایسی ہیں جس کے خلاف ایف آئی آر درج کرائی جاسکتی ہے۔
دہلی پیس اینڈ ہارمنی کمیٹی کی جانب راگھو چڈھا نے بتایا کہ ان کی کمیٹی کی پوری کوشش رہے گی کہ جو لوگ سماج میں نفرت پھیلانے کا کام کر رہے ہیں ان کے خلاف کارروائی کرتے ہوئے انہیں تین برس جیل کی سزا دی جائے۔
واضح رہے کہ دہلی حکومت کی جانب سے یہ اعلان بھی کیا گیا تھا کہ اگر کسی کی شکایت پر کوئی ایسا شخص پکڑا جاتا ہے جو سماج میں نفرت پھیلانے کا کام کر رہا ہے تو شکایت کنندہ کو 10 ہزار روپے بطورِ انعام بھی دیا جائے گا۔
