بھیلائی: ریاست چھتیس گڑھ کے بھیلائی میں گرو گھاسی داس جینتی کے موقع پر منعقد ایک پروگرام میں وزیر اعلی بھوپیش بگھیل شرکت کی۔ اسی دوران انہوں نے پٹھان فلم میں بھگوا رنگ کو لے کر ہندو تنظیموں کے ہنگامے پر اپنے ردعمل کا اظہار کیا ہے۔ انہوں نے کہا کہ زعفرانی رنگ وہ پہنتے ہیں جو سب کچھ چھوڑ (تیاگ) دیتے ہیں۔ بجرنگی غنڈے بھگوا سماج کا گمچھہ پہن کر نکلتے ہیں۔ انہوں نے کیا چھوڑا ہے؟ وہ تو وصولی کرتے ہیں۔ بی جے پی میں ایسے بہت سے ایم پی اور ایم ایل ایز ہیں جو اداکار ہیں اور بھگوا رنگ کے کپڑے پہنے ہیروئن کے ساتھ رقص کر رہے ہیں، اس پر ان کی کیا رائے ہے؟ Bhupesh statement on Pathan film controversy
اتوار کے روز سی ایم بھوپیش بگھیل نے بھیلائی کے بانی بابا گرو گھاسی داس کے 266 ویں یوم پیدائش کے موقع پر مختلف تقریبات میں شرکت کی۔ گرو گھاسی داس سیوا سمیتی کے زیر اہتمام پروگرام کے دوران وزیر اعلی بھوپیش بگھیل سب سے پہلے ستنام بھون پہنچے اور بابا گرو گھاسی داس کی تصویر پر پھول چڑھاکر پوجا کی۔ اس کے بعد انہوں نے سماج کے لوگوں سے ملاقات کی اور ایک پروگرام میں شرکت بھی کی۔ پروگرام کے دوران سوسائٹی کے عہدیداروں نے وزیر اعلیٰ کا پھولوں کا ہار پہنا کر استقبال کیا۔ وہیں پروگرام سے خطاب کرتے ہوئے وزیر اعلی بھوپیش بگھیل نے کہا کہ گرو گھاسی داس جی کا اثر ہی ایسا ہے کہ آج بھی لوگوں کو متاثر کرتا ہے'۔ اس تقریب کے دوران وزیر داخلہ تامردھوج ساہو، وزیر شیو دہریا، ایم ایل اے کنور سنگھ نشاد، دیویندر یادو بھی اسٹیج پر موجود تھے۔
گورنر کی طرف سے ریزرویشن بل پر دستخط کرنے میں تاخیر، درج فہرست طبقات کے لیے 16 فیصد ریزرویشن اور فلم پٹھان میں بھگوا رنگ کے تنازع پر وزیر اعلی نے صحافیوں سے بات چیت کی۔ بھوپیش بگھیل نے ریزرویشن معاملے میں راج بھون پر الزام لگایا۔ انہوں نے کہا کہ راج بھون سے ریزرویشن کی سیاست کی جا رہی ہے۔ اس کے لیے ایکاتم پریسر سے پرچی جاتی ہے اور اسے لکھ کر بھیجتی ہے۔ یا تو دستخط کریں یا بل واپس بھیج دیں۔ درج فہرست طبقات کے ریزرویشن پر سی ایم بگھیل نے کہا کہ 2021 کی مردم شماری یا سماج کی جانب سے ہیڈ کاؤنٹ کرائی جاتی ہے، اسی بنیاد پر 16 فیصد ایس سی ریزرویشن طے ہو پائے گا۔ 13 فیصد کی تجویز ان کی حکومت نے بھیجی تھی۔ درج فہرست طبقات کے لیے 16 فیصد ریزرویشن دینے میں کوئی حرج نہیں ہے۔ لیکن بھارت حکومت 2021 کی مردم شماری کی کاپی فراہم کرائیں۔ یا ایس سی برادری کی جانب سے ہیڈ کاؤنٹ کرائیں تب ہی یہ ممکن ہو پائے گا۔ Bhupesh statement on Pathan film controversy
پٹھان فلم میں زعفرانی رنگ کو لے کر وزیر اعلیٰ نے ہندو تنظیموں پر تنقید کرتے ہوئے بھوپیش بگھیل نے کہا کہ زعفرانی رنگ صرف وہی پہنتے ہیں جنہوں نے اپنے گھر، خاندان اور معاشرے کو چھوڑ دیا ہے۔ لیکن بجرنگی غنڈے جو بھگوا رنگ کے گمچھہ پہن کر نکلے ہیں، انہوں نے کوئی قربانی نہیں دی ہے بلکہ وصولی کرنے کے لیے زعفرانی پہن رکھا ہے۔ کسی کی ذات اور مذہب کا فیصلہ رنگ سے نہیں کیا جا سکتا۔ بی جے پی کے بہت سے ایم پی اور ایم ایل اے اداکار ہیں، وہ بھگوا پہن کر ہیروئن کے ساتھ ڈانس کرتے ہیں، اس کے بارے میں ان کا کیا خیال ہے۔ ذات پات کا فیصلہ رنگوں سے نہیں ہونا چاہیے۔
یہ بھی پڑھیں : Sickle Cell Research Center چھتیس گڑھ میں قومی سطح کا سکل سیل ریسرچ سنٹر قائم کیا جائے گا، بھوپیش
