مرکزی وزیر روی شنکر پرساد نے پاکستان پر حملہ کرتے ہوئے کہا کہ پاکستان کی طرف سے بھارت کا ڈاک میل خدمات بند کرنا یکطرفہ فیصلہ ہے اور پاکستان کے اس قدم سے بین الاقوامی اصولوں کی خلاف ورزی ہوتی ہے۔
پاکستان کا ڈاک میل خدمات روکنا بین الاقوامی اصولوں کی خلاف ورزی۔ روی شنکر پرساد
روی شنکر پرساد جو کہ وزیر برائے مواصلات اور آئی ٹی ہیں کہا کہ “پاکستان کا فیصلہ براہ راست بین الاقوامی پوسٹل یونین کے اصولوں کی خلاف ورزی ہے۔ انہوں نے مزید کہا کہ پاکستان کا فیصلہ بھارت کو کسی پیشگی معلومات کے بغیر تھا۔
پاکستان نے 27 اگست کے بعد ہندوستان کی طرف سے کسی بھی قسم کی سامان یا میل ڈاک وصول کرنا بند کردیا تھا۔ بتایا جا رہا ہے کہ پاکستان کا یہ فیصلہ جموں وکشمیر سے آرٹیکل 370 کی کچھ دفعات کے منسوخ کرنے کے تناظر میں لیا گیا تھا۔
