نئی دہلی کے اتم نگر علاقے میں کچھ شرپسندوں نے ایک شخص کو اس کی اہلیہ کے سامنے گولی مار کر ہلاک کردیا۔ جس کے بعد ملزمین موقع سے فرار ہوگئے۔
اس تعلق متوفی کی اہلیہ سونیا نے بتایا کہ شام کے وقت ہم دونوں انگیٹھی جلاکر ہاتھ سینک رہے تھے تبھی اچانک کچھ نامعلوم لڑکے نمودار ہوئے اور ہمیں گھیرلیا سبھی ماسک پہنے ہوئے تھے اور ان کے ہاتھوں میں پسٹل اور طمنچہ تھا۔
معاملے کے بارے میں ہم کچھ سمجھ پاتے تب تک دو لڑکوں نے پردیپ پر گولیاں چلا دی، ایک گولی پردیپ کے پیٹ میں اور دوسری اس کے سر میں لگی، گولیوں کی آواز سن کر علاقے میں سنسنی پھیل گئی، اس کا فائدہ اٹھا کر سبھی لڑکے موقع سے فرار ہوگئے۔
مقامی لوگوں نے معاملے کی اطلاع پولیس کو دی موقع پر پہنچی پولیس نے زخمی شخص کو علاج کے لئے ہسپتال میں داخل کرایا جہاں کہ ڈاکٹرز نے اسے مردہ قرار دے دیا۔ متوفی کی شناخت 34 سالہ پردیپ کے طور پر ہوئی ہے۔
فی الحال پولیس معاملے کو درج کرکے ملزمین کی تلاش شروع کردی ہے۔
