کورونا وائرس کی دوسری لہر نے دہلی سمیت پورے ملک کو ہلاکر رکھ دیا، اس وبا نے لاکھوں لوگوں کو متاثر کیا اور ہزاروں کی تعداد میں لوگوں کی موت ہوئی۔ کورونا وبا میں کئی ڈاکٹرس نے بھی جانیں گنوائیں اس کے باوجود ڈاکٹروں نے کئی دن سوئے بغیر دن و رات لوگوں کی خدمت کی۔ ان کی کوششوں سے کئی ایسے کنبے ہیں جو آج خوشی کی زندگی جی رہے ہیں۔
آئیے ہم آج ڈاکٹرس ڈے کے موقع پر ان کی حوصلہ افزائی کریں تاکہ ان کی اس بہادری اور محنت میں کوئی کمی نہ رہے۔
ڈاکٹرس ڈے کے موقع پر دہلی کے وزیر اعلیٰ اروند کیجریوال نے ایک ٹویٹ کرکے ان کی حوصلہ افزائی کی ہے اور کہا کہ جس طرح سے اس مصیبت کی گھڑی میں ڈاکٹرس نے اپنی خدمات انجام دی ہیں، اس کی جتنی بھی تعریف کی جائے وہ کم ہے۔ انہوں نے اپنے ٹویٹ پیغام میں لکھا کہ ہم ان کی زندگی کا یہ قرض ادا نہیں کرسکتے۔
نیشنل ڈاکٹرس ڈے پر تمام ڈاکٹروں کو سلام، جنہوں نے اس وبائی مرض میں لاکھوں لوگوں کی جانیں بچاکر کتنے ہی کنبوں کو ختم ہونے سے بچالیا۔
