ملک میں کورونا وائرس کی دوسری لہر پہلے سے کہیں زیادہ مہلک اور خطرناک ثابت ہو رہی ہے۔ گذشتہ کئی دنوں سے مسلسل چار لاکھ سے زیادہ نئے مریض سامنے آ رہے ہیں۔ وہیں، تقریباً چار ہزار ہلاکتیں ہورہی ہیں۔ کورونا کیسز میں اضافے کو دیکھتے ہوئے دارالحکومت دہلی سمیت متعدد ریاستوں میں لاک ڈاؤن اور نائیٹ کرفیوں نافذ ہے۔ کورونا گائیڈ لائن کے مطابق لوگوں کے ہجوم پر پابندی ہے۔
ویڈیو
اسی درمیان رمضان المبارک کا بابرکت مہینہ ہم سے رخصت پذیر ہے۔ اسی کے ساتھ عید الفطر کی نماز باجماعت کے ساتھ ہو گی یا گھروں میں ہی رہ کر ادا کی جائے اس پر تشویش کے بادل چھائے ہوئے ہیں۔
اس دوران دہلی کی شاہ جہانی جامع مسجد کے شاہی امام سید احمد بخاری نے ایک ویڈیو جاری کرتے ہوئے عوام سے اپیل کی ہے کہ وہ موجودہ حالات کو مدنظر رکھتے ہوئے عید الفطر کی نماز مساجد اور عیدگاہوں کے بجائے گھروں میں ہی ادا کریں۔
انہوں نے مزید کہا کہ دہلی اور دہلی کے ساتھ ملک کی مختلف ریاستوں میں کرونا کا قہر جاری ہے، روزانہ عزیز و اقارب سے متعلق افراد کی دنیا سے گزر جانے کی اطلاعات موصول ہو رہی ہیں اوپر سے کورونا کی تیسری لہر کا بھی خطرہ ہمارے سر پر منڈلا رہا ہے ایسے میں ہمیں احتیاط برتنے کی ضرورت ہے۔
انہوں نے مزید کہا کہ دہلی اور دہلی کے ساتھ ملک کی مختلف ریاستوں میں کرونا کا قہر جاری ہے، روزانہ عزیز و اقارب سے متعلق افراد کی دنیا سے گزر جانے کی اطلاعات موصول ہو رہی ہیں اوپر سے کورونا کی تیسری لہر کا بھی خطرہ ہمارے سر پر منڈلا رہا ہے ایسے میں ہمیں احتیاط برتنے کی ضرورت ہے۔
انہوں نے مسلمانوں سے اپیل کی ہے کہ جب شریعت ہمیں اس بات کی اجازت ہے کہ مہلک وبا سے بچنے کے لیے ہم عید الفطر کی نماز گھر میں ادا کر سکتے ہیں تو ہمیں اس پر عمل رکتے ہوئے عید الفطر کی نماز گھروں میں ہی ادا کرنی چاہیے'۔
