رام ولاس پاسوان نے مزید کہا کہ ماہ اگست تک مزید تین ریاستوں کو اس قومی کلسٹر میں شامل کرلیا جائے گا۔
’ون نیشن، ون راشن کارڈ‘ اسکیم کے تحت آج جن تین ریاستیں شامل ہوئی ہیں ان میں اڈیشہ، سکم اور میزورم شامل ہیں جبکہ جن تین ریاستوں کو اس نیشنل کلسٹر میں اگست تک شامل کیا جائے گا ان میں اتراکھنڈ، ناگالینڈ اور منی پور شامل ہیں۔
’ایک ملک، ایک راشن کارڈ‘ پروگرام کے تحت مستحق افراد اپنا راشن کارڈ کا ملک کے کسی بھی مقام پر استعمال کرتے ہوئے قومی فوڈ سیکوریٹی ایکٹ کے تحت کم قیمت میں غذائی اجناس حاصل کرسکتے ہیں۔ وزارت غذا اس اسکیم کو مارچ 2021 تک سارے ملک میں نافذ کرنے کےلیے کوشاں ہے۔
واضح رہے کہ آندھراپردیش، بہار، گوا، گجرات، ہریانہ، ہماچل پردیش، جھارکھنڈ، کیرالا، کرناٹک، مدھیہ پردیش، مہاراشٹرا، راجستھان، پنجاب، تلنگانہ، تریپورہ، اترپردیش کے علاوہ دیگر ریاستوں میں ’ون نیشل، ون راشن کارڈ‘ اسکیم پر پہلے سے ہی عمل کیا جارہا ہے۔
