قومی دارالحکومت دہلی سے متصل صنعتی شہر نوئیڈا میں زرعی قوانین کے خلاف نیم برہنہ کسانوں کے ڈی این ڈی اور کالندی کنج شاہین باغ کی جانب کوچ سے جہاں پولیس کے پسینے چھوٹ گئے ہیں، نیم برہنہ کسانوں کو کالندی کنج اور ڈی این ڈی سے دہلی جانے سے روکنے کے لیے سخت جدوجہد کرنی پڑی۔
واضح رہے کہ کسانوں کو روکنے کے لیے ڈی این ڈی فلائی وے ٹریفک کے لیے دو گھنٹہ تک بند کردیا گیا جس کے باعث ٹریفک ڈائیورزن سے گاڑی والوں کو شدید مشکلات کا سامنا کرنا پڑا۔
خیال رہے کہ زیادہ سے زیادہ جام نوئیڈا میں دیکھا گیا، تاہم گریٹر نوئیڈا ایکسپریس وے سے کالندی کنج پل تک تھا اور سیکٹر 38 جی آئی پی مال سے ڈی این ڈی کے راستے اور دہلی جانے والوں کو کالندی کنج اور سیکٹر 16 فلم سٹی سے مہامایا فلائی اوور کے راستے واپس اشوک نگر کے راستے دہلی واپس جانا تھا۔
وہیں دوسری طرف ڈی این ڈی کے ذریعے بوٹینیکل گارڈن کے راستے دہلی جانے والے افراد کو کالندی کنج شاہین باغ سے اپنی منزل کی جانب جانا تھا جس کی وجہ سے نوئیڈا، گریٹر نوئیڈا ایکسپریس وے سے کالندی کنج تک پانچ کلو میٹر سے زیادہ جام تھا۔
واضح رہے کہ ٹریفک جام کی وجہ سے منٹوں کا سفر لوگوں نے گھنٹوں میں طے کیا۔
