ایڈیشنل ڈی سی پی رن وجے سنگھ نے بتایا کہ کرشن کمار (45 سال)، سیکٹر 51 کے گاؤں ہوشیار پور کا رہائشی آج صبح سیکٹر 50 سے گزر رہا تھا کہ بائیک پر سوار دو شرپسندوں نے اسے جان سے مارنے کے ارادے سے گولی مار دی۔
اس سلسلہ میں ایڈیشنل ڈی سی پی رن وجے سنگھ نے بتایا کہ گولی کرشنا کمار کی کمر میں لگی ہے۔ اس کی اطلاع سیکٹر 49 پولیس کو ملی، اسے تشویشناک حالت میں نوئیڈا کے ضلع اسپتال میں داخل کرایا گیا ہے۔ جہاں اب وہ خطرے سے باہر ہے۔ بتایا جارہا ہے کہ وہ ہوشیار پور میں مالی کا کام کرتے ہیں۔
ڈی سی پی نے بتایا کہ پولیس سی سی ٹی وی کیمروں کی مدد سے شرپسندوں کی تلاش کر رہی ہے۔ پولیس کو شبہ ہے کہ کرشنا کمار پر آپسی رنجش کی وجہ سے حملہ ہوا ہے۔ اسی دوران کچھ لوگوں کا کہنا ہے کہ لوٹ مار کی مخالفت کرنے پر شرپسندوں نے فائرنگ کردی۔ پولیس تمام پہلوؤں کو مدنظر رکھتے ہوئے معاملے کی تحقیقات کر رہی ہے۔ پولیس کا کہنا ہے کہ وہ بہت جلد معاملات کو حل کرلے گی۔
