نوئیڈا: احتجاجی کسانوں کےلیے واٹر پروف ٹینٹ کا انتظام

زرعی قوانین کے خلاف نوئیڈا میں گزشتہ 33 دنوں سے کسان کسان احتجاج کر ہے ہیں اور دھرنے پر بیٹھے ہیں۔ کسانوں کا یہ احتجاج موسم کی شدت کے باوجود جاری ہے جبکہ شدید ٹھنڈی کے درمیان ہونے والی بارش نے سردی کی شدت میں مزید اضافہ کردیا ہے لیکن کسانوں کے عزم اور حوصلے میں کوئی کمی نہیں آئی۔

ساتویں دور کے مذاکرات کے بعد حکومت کی جانب سے اپنائے گئے رویہ سے کسانوں کو اس بات کا خدشہ ہے کہ 4 تاریخ کو ہونے والے مذاکرات میں بھی کچھ حل نہیں نکلے گا۔ اس لئے کسانوں نے نوئیڈا کی چلہ سرحد پر بڑی تعداد میں جمع ہونا شروع کردیا ہے جبکہ سرحدی علاقے میں کسانوں کی تعداد میں اضافہ ہوتا جارہا ہے۔

اس دوران سردی سے بچنے کے لیے واٹر پروف ٹینٹ بھی لگائے جا رہے ہیں تاکہ شدید سردی اور بارش سے کسانوں کو محفوظ رکھا جائے اور حکومت کو یہ پیغام دیا جائے کہ یہ احتجاج طویل عرصہ تک جاری رہے گا۔ چلہ سرحد پر کسانون کے لیے بڑے پیمانہ پر واٹر پروف ٹینٹ کا بندوبست کیا ہے تاکہ کسانون کو پریشانی نہ ہو اور حکومت بھی سمجھ لے کہ کسان اپنے مطالبات کے پورے ہونے تک جانے والے نہیں ہیں۔