تاہم اب ملک بھر میں شب برات کے موقع پر دہلی پولیس اور مذہبی رہنماؤں کی جانب سے بھی لوگوں کو گھروں میں رہ کر عبادت کرنے کی ہدایات جاری کی گئی ہیں۔
دہلی گیٹ کے جدید قبرستان انتظامیہ کمیٹی کے رکن ایڈوکیٹ مسرور حسن صدیقی نے بتایا کہ دہلی پولیس کی جانب سے پہلے ہی ہدایات جاری کردی گئی تھی کہ شب برات کی رات میں گھروں میں رہ کر عبادت کریں، اگر اس کے باوجود لوگ قبرستان آگئے تو انہیں اندر داخل نہیں ہونے دیا جائے گا۔
دہلی کے سب سے بڑے اور جدید قبرستان میں بھی عوام کو روکنے کے لیے تمام انتظامات کر لیے گئے ہیں، دن سے ہی دروازے بند کرکے قبرستان کے ملازمین کو معمور کر دیا ہے تاکہ لوگ قبرستان میں نہ آئے۔
واضح رہے کہ شب برات کی رات میں بڑی تعداد میں لوگ اپنے عزیز و اقارب کی قبر گاہوں پر فاتحہ خوانی کے لیے جاتے ہیں، لیکن ملک میں کورونا وائرس کے معاملات میں اضافہ ہونے کے بعد حکومت کی جانب سے سخت ہدایات ہیں کہ لوگ گھروں میں رہیں باہر نہ نکلیں۔
