نئی دہلی: حکومت نے ان خبروں کی تردید کی ہے کہ ملک کے نامور صنعت کاروں کو جی 20 سربراہی اجلاس کے موقع پر ہفتہ کو بھارت منڈپم میں منعقدہ خصوصی عشائیہ میں مدعو کیا گیا ہے۔ پریس انفارمیشن بیورو کے فیکٹ چیک یونٹ نے جمعہ کو بتایا کہ غیر ملکی خبر رساں ایجنسی رائٹرز نے اپنے ایک مضمون میں دعویٰ کیا ہے کہ جی 20 سربراہی اجلاس کے دوران ہفتہ کو بھارت منڈپم میں منعقدہ خصوصی عشائیے میں معروف صنعت کاروں کو مدعو کیا گیا ہے۔
یہ بھی پڑھیں: G20 Summit in India وزیر اعظم نریندر مودی جی ٹوینٹی سربراہی اجلاس میں پندرہ عالمی لیڈروں کے ساتھ دو طرفہ ملاقاتیں کریں گے
پریس انفارمیشن بیورو نے کہا ہے کہ یہ دعویٰ گمراہ کن ہے کیونکہ خصوصی عشائیہ میں کسی صنعتکار کو مدعو نہیں کیا گیا ہے۔ قبل ازیں میڈیا رپورٹس میں یہ دعویٰ کیا جارہا تھا کہ ممتاز کاروباری رہنماؤں کو مرکزی مقام، بھارت منڈپم میں منعقدہ جی 20 کے 'خصوصی عشائیہ' میں مدعو کیا گیا ہے، جسے پی آئی بی فیکٹ چیک نے "گمراہ کن" قرار دیا ہے۔ حکومت کی جانب سے جاری بیان میں کہا گیا کہ "کسی کاروباری رہنما کو جی 20 ڈنر میں مدعو نہیں کیا گیا ہے۔" حکومت کی جانب سے ایسی خبروں کی تردید کی گئی ہے جس میں کہا گیا تھا کہ جی 20 کے خصوصی عشائیہ میں ممتاز کاروباریوں کو مدعو کیا گیا ہے۔
یو این آئی
