بھارت کی وراثت میں میلوں کی تاریخ دور قدیم سے ملتی ہے آج بھی ملک کے ہر شہر میں کہیں نہ کہیں کوئی میلا آپ کو دیکھنے کو مل ہی جائے گا۔
ای طرح دہلی کے سورج کنڈ میں گذشتہ 34 برسوں سے لگنے والا یہ میلا بھارت کے سب سے بڑے میلوں میں سے ایک ہے، 40 ایکڑ زمین پر ہر برس منعقد ہونے والے اس میلے میں دنیا بھر سے ہزاروں دستکار شامل ہوتے ہیں لیکن رواں برس کا میلہ ان کاریگروں کے لیے بہتر ثابت نہیں ہو سکا۔
اپنے ہنر کا جلوہ دکھانے والے یہ نوجوان مندی اور مہنگائی کی وجہ سے کچھ خاص کمائی نہیں کر پائے ہیں ملک کی معاشی صورتحال خراب ہونے کے باوجود انہیں امید تھی کہ سورج کنڈ میلے سے ان کے کچھ حالات بہتر ہوں گے لیکن اب ان کی امید بھی ٹوٹ چکی ہے۔
دستکاروں کے مطابق گذشتہ برسوں کے مقابلے اس بار 25 فیصد بھی کاروبار نہیں ہوا ہے یہ میلا کاروبار اور ہنر کے جادوگروں کی حوصلہ افزائی کے ساتھ ساتھ بھارتی وراثت کی ترویج کا اہم ذریعہ ہے۔
اس میلے کو ہریانہ حکومت مرکزی حکومت کے ساتھ مل کر منعقد کرتی ہے اس بار میلے میں ہماچل پردیش کو تھیم اسٹیٹ جبکہ ازبکستان کو تھیم کنٹری کے طور پر شامل کیا گیا ہے۔
