دارالحکومت دہلی میں واقع نیتی آیوگ کے دفتر میں کورونا وائرس کے ایک کیس کی تصدیق ہوئی ہے، یہ کیس آیوگ دفتر کے تیسری منزل میں سامنے آیا ہے۔
کیس کی تصدیق ہونے کے فوراً بعد تیسری منزل کو خالی کروا دیا گیا ہے اور عمارت کو سینی ٹائز کیا جارہا ہے۔
اس سے پہلے وزارت خارجہ کے دفتر میں دو افراد کا کورونا ٹیسٹ مثبت آیا تھا۔
دہلی میں اب تک کووڈ-19 کے 18549 کیسز سامنے آئے ہیں جبکہ 416 افراد اس وبا سے ہلاک ہو چکے ہیں۔
اس کے علاوہ پورے بھارت میں ابتک کورونا وائرس کے 1 لاکھ 91 ہزار کیسز کی تصدیق ہوئی ہے جبکہ 5 ہزار 394 افراد ہلاک ہو چکے ہیں۔
وہیں 91 ہزار 819 افراد ایسے ہیں جو کورونا وائرس سے صحتیاب ہو گئے ہیں۔
پوری دنیا میں اب تک کووڈ-19 سے 3 لاکھ 74 ہزار 327 افرد ہلاک ہو چکے ہیں اور مرنے والوں کی یہ گنتی رکنے کا نام نہیں لے رہی ہے۔
اس کے علاوہ کل کیسز کی تعداد 62 لاکھ 87 ہزار 857 سے تجاوز کر گئی ہے۔
