'شاہین باغ مظاہرہ کو بدنام کرنے کی سازش'

بی جے پی کے ذریعہ دہلی کے شاہین باغ کے مظاہرین کی کردار کشی اور انہیں بکاو کہنے کی شرمناک حرکت سے خواتین بہت نالاں ہیں۔

مظاہرہ کررہی خاتون درخشاں کا کہنا ہے کہ 'بریانی کے نام پر مظاہرہ کرنے کون آتا ہے ؟ جو لوگ بدنام کر رہے ہیں انہیں بریانی کھانا ہے تو یہاں آجاو'۔

درخشاں نے مزید کہا کہ 'یہ صرف ہمارے مظاہرہ کو خراب کرنے کی ایک سازش ہے تاکہ ہم یہاں سے اٹھ جائیں جو کہ ہونے والا نہیں'۔

ایک دوسری خاتون نشاط نے کہا کہ 'بدنام کرنے سے ہمارا حوصلہ پست نہیں ہوگا'۔

مظاہرہ کررہی خواتین کا کہنا ہے کہ وہ اندر سے کافی ٹوٹ چکی ہیں لیکن وہ لڑرہی ہیں انھیں مالی تنگی کا بھی سامنا ہے اور وہ گھریلو ذمہ داریوں کو ادا کرکے اس مظاہرے میں شامل ہوتی ہیں۔