سیور میں گرنے سے بچے کی موت

دار الحکومت دہلی کے شمالی دہلی میں ایک بچے کی سیور میں گر جانے سے موت ہو گئی۔

ملک کے مختلف مقامات پر گھر میں بنے سیفٹی ٹینک کئی دفعہ بڑے حادثات کا سبب بن چکے ہیں۔ اس کے باوجود لوگ اس سے سبق نہیں لیتے۔معاملہ شمال دہلی کے نریلا کے سوتنتر نگر میں ایک سات برس کے آیوش نامی بچے کی موت ہو گئی۔ یہ واقعہ اس وقت رونما ہوا، جب بچے کے اہل خانہ نوکری کے لیے باہر گیے ہوئے تھے۔

پڑوس میں بنے سیفٹی ٹینک کے پاس دوستوں کے کھیلتے ہوئے آیوش اچانک اس میں گر پڑا۔ ساتھ میں کھیل رہے دیگر بچوں نے واقعے کی اطلاع دی۔ جس کے بعد آیوش کو سیفٹی ٹینک سے باہر نکالا گیا۔ بچے کو نریلا کے راجا ہریش چندر اسپتال میں داخل کرایا گیا۔جہاں ڈاکٹروں نے اسے مردہ قراردے دیا ۔جس سیور میں گرنے سے بچے کی موت ہوئی، وہ گھر کے اندر ہی بنایا گیا ہےاور جو بچے ساتھ میں کھیل رہے تھے انہوں نے بتایا کہ یہ سیور ہمیشہ ہی کھلا رہتا ہے۔ نریلا تھانہ پولیس نے موقع پر پہنچ کر جانچ شروع کر دی ہے۔