دہلی میں ہلکی بارش، کم از کم درجہ حرارت 26.2 ڈگری

دارالحکومت دہلی میں جمعہ کی صبح ہلکی بارش ہونے سے موسم خوشگوار ہو گیا اور کم از کم درجہ حرارت 26.2 ڈگری سیلسیس ریکارڈ کیا گیا۔

محکمہ موسمیات نے بتایاکہ صبح ساڑے آٹھ بجے تک بارش 0.5 ملی میٹراور حبس 86 فیصد درج کی گئی ۔ محکمہ موسمیات کے مطابق دن میں بادل چھائے رہنے کے ساتھ ساتھ شدید بارش ہو سکتی ہے ۔

دن میں زیادہ سے زیادہ درجہ حرارت 31 ڈگری سیلسیس کے آس پاس رہنے کی پیشن گوئی ہے۔

جمعرات کو زیادہ سے زیادہ درجہ حرارت 30.5 ڈگری سیلسیس ریکارڈ کیا گیا جو معمول سے چار ڈگری کم ہے ۔