جامعہ ملیہ اسلامیہ کے ریزڈنشیئل کوچنگ اکیڈمی ’آر سی اے’ میں مستقل کلاسز کے علاوہ امتحانات کی تیاریوں، ماہرین کے لیکچرز، خصوصی انٹرویوز کے ذریعہ طلباء کو سب سے بڑے مسابقتی امتحانات کے لیے تیار کیا جاتا ہے۔
جامعہ ملیہ اسلامیہ میں چلنے والے ریزیڈنشیل کوچنگ اکادمی ’آر سی اے’ سے اس بار کل 170 امیدواروں نے سال 2019 کے یو پی ایس سی امتحان میں شامل ہوئے۔
بتادیں کہ 170 میں سے 104 امیدواروں نے اکتوبر 2018 میں آر سی اے میں کوچنگ کے لیے داخلہ لیے تھے۔ اس کے علاوہ دیگر امیدواروں نے جولائی 2019 میں سول سروسز کی مین امتحان کی کوچنگ کے لیے رجسٹریشن کرایا تھا۔
گزشتہ برسوں میں بھی جامعہ ملیہ اسلامیہ ریزیڈنشیل کوچنگ سے کئی امیدوار یو پی ایس سی امتحان میں کامیابی حاصل کر چکے ہیں۔
ان کے علاوہ اکیڈمی ایس سی ، ایس ٹی ، خاتون امیدوار اور اقلیتی طبقہ کے طلبہ کی بھی مینس اور پرسنالٹی ٹیسٹ کیلئے تیاری کرانے کی کوشش میں لگی ہے۔ ان طلبہ کے لیے سی سی سی پی ایٹ دی ریٹ جے ایم آئی ڈاٹ اے سی ڈاٹ آئی ان پر مفت کوچنگ کیلئے درخواست جمع کرنے کی سہولت محیا کرانے کی کوشش کی گئی۔ اس سلسلہ میں زیادہ معلومات جامعیہ کی ویب سائٹ سے حاصل کی جاسکتی ہیں۔
غور طلب ہے کہ کچھ طلبہ آر سی اے جامعیہ ملیہ سے ساری کوچنگ لینے کے بعد کچھ غیر سرکاری اداروں کی اکیڈمیوں اور پرائیویٹ کوچنگ سینٹروں میں صرف ماک انٹرویو ( 30-40 منٹ ) کی پریکٹس کیلئے جاتے ہیں ۔ ایسے میں ان میں کچھ اکیڈمی یہ دعوی کرنے لگتی ہیں کہ کامیاب طلبہ نے ان کے یہاں سے کوچنگ حاصل کی تھی ۔
