نئی دہلی:ملک میں گزشتہ 24 گھنٹے کے دوران چار ریاستوں اور ایک مرکز کے زیر انتظام علاقے میں کورونا کے نئے معاملے سامنے آئے ہیں جبکہ ریاستوں مرکز کے زیر انتظام علاقوں میں کورونا کیسوں کی تعداد میں کمی آئی ہے۔ صحت اور خاندانی بہبود کی مرکزی وزارت نے منگل کو کہا کہ صبح 7 بجے تک 220.59 کروڑ سے زیادہ ویکسین دی گئی ہیں۔وزارت نے کہا کہ ملک میں کورونا کے فعال کیسز 1771 پر برقرار ہیں، اور اسی مدت میں کورونا سے 135 افراد صحت یاب ہوئے ہیں، جس کی وجہ سے کورونا سے صحت یاب ہونے والوں کی کل تعداد بڑھ کر 44151027 ہو گئی ہے۔ صحت یابی کی شرح 98.80 فیصد تک پہنچ گئی ہے۔ ملک بھر میں راحت کی بات یہ ہے کہ گزشتہ 24 گھنٹے میں کورونا وائرس کے انفیکشن سے کسی بھی مریض کی موت نہیں ہوئی ہے جس کی وجہ سے ہلاکتوں کی تعداد 530745 اور شرح اموات 1.19 فیصد پر برقرار ہے۔
قومی دارالحکومت میں پچھلے 24 گھنٹے کے دوران دو فعال معاملات میں کمی کے ساتھ، ان کی کل تعداد آٹھ ہو گئی ہے۔ ریاست میں اس وبا سے صحت یاب ہونے والوں کی تعداد بڑھ کر 1980874 ہو گئی ہے اور مرنے والوں کی تعداد 26522 پر مستحکم ہے۔ کیرالہ میں 10 ایکٹو کیسز کے اضافے کے ساتھ، ان کی کل تعداد بڑھ کر 1221 ہو گئی ہے، جبکہ اس سے چھٹکارا پانے والوں کی کل تعداد بڑھ کر 6757125 تک پہنچ گئی ہے اوراموات کا اعدادوشمار 71578 پر برقرارہے۔
کرناٹک میں گزشتہ 24 گھنٹے کے دوران 49 ایکٹیو کیسز کی کمی کے ساتھ ان کی کل تعداد کم ہو کر 105 ہو گئی ہے۔ اس وبا سے اب تک 4032643 افراد صحت یاب اور 40309 مریضوں کی موت ہوچکی ہے۔ اس کے علاوہ مہاراشٹر میں کورونا کے آٹھ ایکٹیو کیسز کم ہونے کے ساتھ ہی ایکٹو کیسز کی تعداد کم ہو کر 78 ہو گئی ہے۔اس عرصے کے دوران نو افراد کے صحت یاب ہونے کے بعد اس سے چھٹکارا پانے والوں کی کل تعداد بڑھ کر 7988713 ہو گئی ہے، اور ریاست میں مرنے والوں کی تعداد 148421 پر مستحکم ہے۔
مزید پڑھیں:Corona Cases In India بھارت میں کورونا کی تیسری لہر کا زیادہ اثر نہیں پڑے گا، ڈاکٹر جعفری
یو این آئی
