نارکوٹکس کنٹرول بیورو کے ڈپٹی ڈائریکٹر کے پی ایس ملہوترا نے بتایا کہ لاک ڈاؤن کے دوران بھی نارکوٹکس کنٹرول بیورو تسکروں پر نظر رکھے ہوئے تھی۔لاک ڈاؤن کے دوران جھارکھنڈ افیم تسکروں کا پسندیدہ اڈہ بن کر ابھرا ہے۔
انہوں نے بتایا کہ 8 اگست کو این سی پی لکھنئو زون کو اطلاع موصول ہوئی کہ جھارکھنڈ سے آرہی ایک کار میں افیم ہے۔ جس کے بعد این سی بی کی ٹیم نے ہردوئی روڈ پر چھاپہ ماری کرتے ہوئے ایک کار کے دروازے سے 10 کلو افیم برآمد کرتے ہوئے دو افراد کو گرفتار کیا، افیم کو کار کے دروازے میں چھپایا گیا تھا تاکہ پولیس کو شک نا ہو۔وہیں پٹنہ زونل یونٹ نے 11 اگست کو رانچی ہزاری باغ روڈ ٹول پلازہ سے ایک کار سے 14 کلو افیم برآمد کی گئی۔چھان بین کے دوران رانچی میں افیم کی تسکری کرنے والے ایک اور سپلائر کو گرفتار کیا گیا ہے، اس کے پاس سے کل 2 کلو افیم برآمد کی گئی ہے۔
